ml PiazzaNapoli |
ml Napoletanità |
Poesie e Canzoni NATALE D'ORO
Nuvole,tanta nuvole,p''o cielo,
addo' na luna avara sta' durmenno,
cummogliono sta Napule c''o velo
'e na cuperta arricamata 'argiento.
Pe' ll'aria 'o suono doce 'e na zampogna
pare dicesse -'O vvi',stammo a Natale-
cercammo 'e cancella' d''a mente 'e guaje
pienze a fa' bbene,scòrdate d''o mmale.
Fore a' na chiesia ride nu pezzente
ringrazia a chi l'ha dato mille lire
e tene mente a chi nun ce da' niente
comme pe' di': -Stò cca',che d'e' nun vide?-
Chesta citta'ch'ha sbalurdito 'o munno
e' sempe bella,e' tutta nu splennore
comme a chi dorme e fa' nu bellu suonno
'e nu Natale arravugliato d'oro.
Luciano Somma
|